放胎後的日子...

jun 1
明明今天想放大假, 但老闆好似無左我唔得咁, 不肯讓我放. 結果, 今天根本就無野趕...唉. 昨天放完胎後, 一直沒有什麼特別感覺. 只是左邊卵巢有輕微的扯著感, 應該是抽蛋的傷口作怪. 到了中午時份, 子宮位突然感覺閃了一下, 都幾痛. 對, 就是閃了一下的感覺. 這是從來沒有過的感覺. bbs, are you saying hello to your mom? i hope it is. hehe...

今天也去找醫師針灸. 他居然問我打算何時開始做ivf. 天呀, 醫師, 我上次見你時已經打了4天的針了, 怎麼如此不上心. 但很無奈地, 我還是要找他幫忙, 畢竟我沒有太多選擇. 今天是名符其實的針+灸. 做完後打算約下次的appointment, 並告訴他我請不到假在office hour 來做, 他居然就說了幾句"咁由佢啦". 我呆了一下. 那好吧, 是我自己請不到假, 難道要醫師就你一個不成. 這次的ivf, 我可以做的已經做了...就唔到時間針灸我都唔想. 只好靠自己浸腳加散步來增加血液循環了. 本來想叫他開點安胎藥, 因為現在不用打針了, 誰知道他一句"唔好搞喇"就拒絕了...

jun 2
昨天又沒睡好. 半夜醒來小便. 雖說尿頻是bingo其中一個徵狀, 但也不會那麼快便有徵狀吧. 早上醒來後, 胃居然沒那麼脹了...只是很肚餓. 下班地鐵沒位子坐, 腰酸得很難受. 塞完藥, crinone的管子上有一點啡色的殘渣. 晚上在樓下散完步感到很疲倦. 這一切都是塞藥的副作用嗎?

jun 3
昨天睡得好一點了, 不過今朝起身前有小小胃痛. 但又覺得好肚餓喎...吃完最後一粒消炎藥, 鬆了一口氣. finally! 起碼少了一樣routine要兼顧. 白天上完洗手間, 有啡色的渣渣流出來. 為什麼每次都這樣? am i allergic to crinone?

jun 4
今天一早起來去打針, 然後才回公司. 今天的感覺好像又少了點...後來發現診所的姑娘給我的信封裏面有我這次ivf的抽血, 抽蛋, 雪蛋報告. 好感動呀...3次ivf, 第一次收到如此貼心的報告. 這位醫生/姑娘真的很為病人著想. 晚上散步走了條新路. 很安靜的一條路,很舒服...

jun 5
早餐是老公煲的愛心粥. 午餐是德國咸豬手, 好好味, 不過好熱氣...又唔飲得啤酒. 下午睡了個午覺. 夜晚老公煮通粉俾我食, 好幸福. 和他討論bb們, 大家都覺得他們要黐的話應該都已經黐了, 那就好好地黐足10個月喇.

jun 6
吃完早餐不久, 又覺得眼訓, 回床睡了一小時左右. 下午同亞媽飲茶, 又同隻狗玩下. 夜晚好多電視睇. 上網download左好多歌. 時間過得都幾快.

jun 7
早上坐車時, 右邊小腹扯左一陣. 其他沒什麼特別. 突然想起昨晚的夢境. 嘻嘻...夢裏的我初為人母, 打算餵人奶, 正不斷地嘗試從左邊胸擠奶. 雖然是個夢, 但而家諗起都開心! 剛剛去廁所抹到流出的灰啡色藥渣. 真係無晒心機...下午右胸側有針刺的感覺. 維持了好幾十秒...

jun 8
昨晚沒散步已經覺得累, 11點不到就睡了. 夢見前面有個海, 見到有人抛石頭使海面泛起一個個圈, 我也試了試扔一個像飛碟的物, 結果飛碟在海面上浮著不停轉轉轉. 今天小腹沒什麼感覺, 又開始胡思亂想了...打埋第3枝安胎針. check bingo前可以做的只有每晚塞藥了.

jun 9
半夜攪肚, 痾了一次. 心想, 完了...一定最昨晚那杯tiramisu. 今天到左邊胸有針刺感了...整個人都無乜心機添...昨晚的散步也是"係咁意". 眼看身邊很多同事都結婚不久就懷孕了, 輕易得令我妒忌. 大概沒有誰會像我這樣不停做ivf也未能成功的吧...今天下雨, 干脆有個借口不去散步了. 連浸腳也差點忘了.

jun 10
昨晚做的夢可精彩了. 我夢見自己已經開刀生了bb! 事後還讚歎那條疤痕一點也不起眼. 又開始準備餵人奶...我的夢境會成真嗎? 或許由於夢境太美好了, 我一覺睡到鬧鐘響才清醒. 今天有強烈的谷m feel. 每次去廁所都好驚見到m小姐. 放工番到屋企好多藥渣跌出黎呀, 有小小帶啡添...於是決定今天一定要散步, 幫助吸收.

jun 11
早上醒來時不知是否太肚餓, 胃有點不舒服...還是心理作用成日形住形住, 就不得而知了. 今天的谷m feel沒昨天那麼強烈了.

jun 12
今朝去完廁所, 一大舊藥渣跌左出黎, 又係好似上次咁混埋d奇怪顏色, 綠綠地, 粉粉地咁. 即刻同老公講話今次真係無喇, 因為上次都有呢個情況...但過左一陣, 又唔甘心. 於是打俾診所問. 姑娘好pro, 一聽就知咩事. 仲好詳細咁解釋俾我聽, 因為d塞藥積左咁耐, 容易引起發炎, 所以有d咁奇怪既顏色. 佢仲建議我星期一番去俾醫生睇下, 順便清理下其餘殘渣. 收左線之後, 我地既心情好多好多. 希望幸運之神未走啦.

jun 13
尋晚夢見幾次驗尿都有線呀. 訓醒之後, 老公竟然同我講佢發夢有淺線喎. 又會大家發埋同一個夢咁o岩既! 但我無同佢講我都發左個咁既夢...因為我驚最終個事實唔係咁囉. 呢兩日有好幾次都有d衝動想去驗. 不過諗起上次既經歷, 所以都係一拖再拖...呢日間中都有d谷m feel...

夜晚去左99度做節. 食左海鮮, 飲左可樂. 我諗小小都唔怕既...

jun 14
尋晚又訓訓下醒左去廁所. 去完訓唔番, 又開始亂諗野, 早知頭先用果篤尿驗下啦...過左好耐先訓番, 仲成晚發夢見到個針灸師傅, 我係咁追住佢問點解佢唔俾中藥我食, 又話要再book時間. 終於, 鬧鐘響左. 飽受精神折磨既我在廁所忍不住拆左一包紅d驗下...刷刷下牙, 竟然俾我見到有線! 仲深過對照線添呀! 有d發夢既感覺. 不過我都未同老公講. 諗住再確認下先...

今朝起身後, 個胃都係有d頂既感覺. 不過早餐都仲食得落既.